芒果 控注意！重量级芒果蛋糕全解构 ＠DINING娜

正所谓「不时不食」，临近夏日，芒果当造，而家嘅芒果又juicy又香甜。不过食芒果好易整到污糟邋遢，食芒果甜品就够晒方便。近日就有个号称每个蛋糕芒果总用量达400g嘅「芒果400」上市，今次就来个大解构，睇下係咪真材实料！

（Presented by Saint Honore）

芒果400

「芒果400」卖相相当震撼！外形似山峰，外围铺上一大片一大片芒果肉，而底层亦有切成花形嘅厚切芒果，未食已经感觉啖啖芒果肉，口水直流！据悉蛋糕上用嘅芒果都係特别挑选尺寸较大嘅菲律宾吕宋芒，吕宋芒果圆身而大只，果味浓郁、软腍又味道香甜，加上汁液丰富，用嚟做蛋糕就啱晒！

叫得「芒果400」原来係因为每个蛋糕都会用上约400克新鲜 芒果 肉製造，拆下蛋糕外围及底层嘅芒果秤一秤，真係好足料，份量十足！

磅秤上原个吕宋芒果，连核重约245克，一个蛋糕用几多芒果真係有数得计！

山峰形嘅蛋糕内层夹心係加入芒果的西米慕丝及蛋糕相间，底部是薄脆做成嘅饼底。

试食过西米慕丝非常幼滑，加入西米增加点点咬口，口感几得意！而蛋糕够fluffy又够light，食落好轻盈，再加上清甜嘅芒果，食完唔会有好饱、好滞嘅感觉。配合底部嘅薄脆饼底，香滑与脆口交错，好味！

食唔晒咁大个嘅，可以试食同系列嘅芒果乐园，同样用上时令嘅菲律宾吕宋芒，虽然无「芒果400」咁多芒果，但面层鲜芒果肉粒粒都唔少，绝对可以满足到芒果控嘅慾望！蛋糕内层加入朱古力薄脆，口感丰富。

加入芒果布甸的蛋卷，蛋糕口感鬆软、幼滑，配上香滑忌廉，买来当早茶点心非常perfect。

女仔总係特别为食，突然想食蛋糕又无人些牙？杯装的芒果甜心冻最perfect！同样採用时令菲律宾吕宋芒果，芒果慕丝、芒果果肉及朱古力蛋糕相间，因为用了朱古力蛋糕，比「芒果400」甜一点。

销售点：全线圣安娜饼屋

查询热线：2991 6677