当前位置：主页 > Z新生活 >芦苇草 ＋美食＋日落 鹿颈谷埔超易行！ >
芦苇草 ＋美食＋日落 鹿颈谷埔超易行！
发布时间：2020-08-01作者： 阅读：(289)
凉意渐浓，又到咗行山季节！想亲亲大自然、又想食、重想影靓相呃Like？去谷埔就可以一次过满足你三个要求！芒草？谷埔无！一片片的芦苇田 芦苇草 ，又吸唔吸引到你？讯号？谷埔都无！一于远离烦嚣，逃去世外「芦苇」园！
美式早餐 $40记者唔食茄汁豆，店员帮我换多条肠。 
BB开心士多老闆娘好热情，拎私家椅比候车行山人士坐。 
平路为主，沿海而行，岸边景色靓到随手影都好靓！ 
沿路会见到好多红树林。 
上斜去凤坑家乐径，唔驶理，靠左行就对。 
有个小码头，唔少人都会停低影相。 
沿路重有D奇形怪树。 
沙头角海，对面係深圳。 
芦苇草配阳光，iphone影都已经好靓！ 
回程时，重睇到日落！
建议唔好食早餐去，因为一落小巴就有两间士多，分别係BB开心士多同陈凤记！BB开心士多最出名係盐焗鸡饭($40)，麵食係$25-30，记者反而比美式早餐吸引着，包埋橙汁都只係$38，加$2有多块薯饼！抵啊！
食饱饱就上路喇！由新娘潭路向停车场方向行，见到发记士多同往鸡谷树下个牌就转左。去到发记士多，望向左边有个位写住「行人路」，向个边行，正式出发！
之后会上一条楼梯，有个小草坪，再落番楼梯，行多阵就差唔多到凤坑村。
凤坑村有间盈佳茶座可以补给，亦有全程唯一见到的公厕 – 凤坑村公厕。
最期待的画面终于出现喇！一大片芦苇草园，出现喇！留意番，成个地都係泥水，唔好行入去。
见到芦苇草转右行多大概15分钟，终于比记者搵到同芦苇草的影相位！
谷埔
路线：鹿颈-凤坑-谷埔
时间：约1个半小时
难度：✭✩✩✩✩
前往方法：由粉岭火车站C出口坐56K小巴到鹿颈总站
备注：小巴尾班车19:30；鹿颈到谷埔有五间士多；凤坑村则有公厕
上一篇：芦笋＋秋葵，天门冬胺酸彻底消疲劳 下一篇：芦荟只能美容？错！医：通便、抗发炎、护心肝都靠它
相关阅读